Coinnichidh Pàrlamaid na h-Alba Diluain 12 Sultain gus beachdachadh air gluasad co-fhaireachdainn às dèidh bàs A Mòrachd A’ Bhanrigh.
Bheir seo cothrom do Bhuill air feadh na Pàrlamaid cnuasachadh air beatha seirbheis phoblaich A Mòrachd agus air an dlùth cheangal maireannach aice ri Alba.
Air an latha, cuiridh an t-Oifigear Riaghlaidh, Alison Johnstone BPA fàilte air A Mhòrachd An Rìgh agus A’ Bhanrigh Chèile don t-Seòmar mus toir iad cuireadh do gach Ceannard Pàrtaidh bruidhinn air a’ ghluasad.
Bheir A Mhòrachd an uair sin seachad freagairt dhan ghluasad.
Thuirt Oifigear Riaghlaidh Pàrlamaid na h-Alba, Alison Johnstone BPA:
“Tha daoine air feadh na h-Alba fhathast a’ caoidh bàs A Mòrachd A’ Bhanrigh agus tha mi airson ar fìor cho-fhaireachdainn a chur an cèill às leth Pàrlamaid na h-Alba do A Mhòrachd an Rìgh agus dhan Teaghlach Rìoghail.
“Bheir an gluasad co-fhaireachdainn seo cothrom don Phàrlamaid tighinn còmhla mar gus beatha seirbheis phoblaich na Banrigh agus a dlùth cheangal maireannach aice ri Alba a chomharrachadh.
“Bidh an latha seo cuideachd na chlach-mhìle don dùthaich agus sinn a’ cur fàilte air A Mhòrachd an Rìgh gu Pàrlamaid na h-Alba airson a’ chiad uair mar mhonarc.”
Cùl-fhiosrachadh
Chaidh fiosrachadh mu rèiteachaidhean nam meadhanan airson a’ ghluasad co-fhaireachdainn a chur a-mach ann am fios eile.
Fios do na meadhanan
Oifis Conaltraidh na Pàrlamaid