Dealbhan Naidheachd an t-Saoghail air Prògram Feasgar #gaidhlig @BBCRnG


Thadhail Cathy NicDhòmhnaill bho phrògram Feasgar air Pàrlamaid na h-Alba na bu thràithe an t-seachdain seo airson coimhead air taisbeanadh Dealbhan Naidheachd an t-Saoghail.

38744633_974266716087969_7029100187658223616_o

Còmhla ri Cathy, bha an dealbhadair pròifeiseanta Dòmhnall MacLeòid ann gus a bheachdan a thoirt seachad air an taisbeanadh.

Chaidh am prògram a-mach beò Diciadain 08 Lùnastal agus Faodar èisteachd ris air-loidhne air làrach-lìn a’ BhBC. Tha an còmhradh mu Dhealbhan Naidheachd an t-Saoghail a’ tòiseachadh aig 35 mionaidean.

Dè do bheachd fhèin air an taisbeanadh? Thig ann is faic dhut fhèin e.

Tha an taisbeanadh air fad dà-chànanach.

Tha Dealbhan Naidheachd an t-Saoghail saor is an-asgaidh agus tha e fosgailte gach Diluain-Disthairne. ‘S e Disthairne 25 Lùnastal an latha mu dheireadh.

Alasdair

gaidhlig@parliament.scot

Dè rinn sinn an-uiridh? Aithisg bhliadhnail na Pàrlamaid #gàidhlig #gaelic


Dè rinn Pàrlamaid na h-Alba dhut anns a’ bhliadhna 2017-18?

Cia mheud bile is achd a bh’ ann? Cia mheud ceist is gluasad? Cia mheud deasbad is dè na cuspairean? Dè bha na comataidhean againn ris? Dè an obair a rinn sinn anns a’ choimhearsnachd agus le sgoiltean?

Faigh a-mach anns an Aithisg Bhliadhnail as ùire againn. Tha an aithisg bhliadhnail ann an cruth dà-chànanach.

Tha sinn air bhideo goirid a dhèanamh sa Ghàidhlig a’ sealltainn nam prìomh phuingean anns an aithisg.

Alasdair

gaidhlig@parliament.scot

 

Cothrom coinneachadh ris an Oifigear Riaghlaidh! Bhideo ùr #gàidhlig #gaelic


Tha an t-Oifigear Riaghlaidh ag iarraidh cluinntinn bho òigridh na h-Alba air cò ris a tha beatha coltach dhaibh agus a bheil Pàrlamaid na h-Alba a’ freagairt air na feumalachdan aca.

Seo bhideo Gàidhlig ùr a tha sinn air dèanamh.

 

A bheil thu òg? A bheil thu an sàs ann am buidheann òigridh? Eil Gàidhlig agad? Gabh pàirt anns an iomairt seo agus dh’fhaodte gum bi cothrom agad coinneachadh ris an Oifgear Riaghalaidh!

‘S e 31 Iuchar an ceann-latha mu dheireadh airson iarrtas a dhèanamh.

Tha barrachd fiosrachaidh ri fhaighinn air làrach-lìn na Pàrlamaid.

Alasdair

gaidhlig@parliament.scot