Deasbad mu 10 bliadhna de BBC ALBA an-dè #gàidhlig #gaelic


An do chaill thu an deasbad mu 10 bliadhna de BBC ALBA an-dè?

Na gabh dragh, faodaidh tu a leughadh no a choimhead air a bhidio.

Donald Camerson

Dòmhnall Camshron BPA a’ fosgladh an deasbaid

Faodar teacsa an deasbaid a leughadh anns an Aithisg Oifigeil no faodar coimhead air air SPTV ( is Beurla) no anns a’ Bheurla a-mhàin aig 

Alasdair

gaidhlig@parliament.scot

Deasbad gu bhith ann mu 10 bliadhna de BBC Alba #gàidhlig #gaelic @bbcalba


Thèid deasbad Gnothaichean Bhall a chumail Diciadain 19 Sultain air a’ chuspair “A’ Comharrachadh 10 Bliadhna de BBC Alba”.

Seo an gluasad, a chaidh a chur air adhart le Dòmhnall Camshron BPA.

Gnothaichean Bhall

Bidh an deasbad a’ tòiseachadh aig 5f agus faodar coimhead air beò, no san tasglann às dèidh làimh air SPTV. Bidh an Aithisg Oifigeil den deasbad – aithisg sgrìobhte den deasbad – ri fhaighinn an ath latha.

‘S e a th’ ann an Gnothaichean Bhall ach deasbad air cuspair air a thaghadh le cùl-bheingeire. Tha seo a’ toirt cothrom do Bhuill fa leth aire a thogail mu chùisean anns a bheil ùidh aca, ach nach faigheadh ùine deasbaid ann an dòigh sam bith eile.

Alasdair

gaidhlig@parliament.scot

Plana Gàidhlig – co-chomhairle a’ crìochnachadh 02/11 #gàidhlig


Bidh a’ cho-chomhairle air Plana Gàidhlig na Pàrlamaid a’ tighinn gu crìch Diardaoin 02/11.

Tha an t-àm ann fhathast do bheachdan a chur ris!

Twitter Gaelic Language Day

A bheil na prìomhachasan ceart againn?

A bheil rud sam bith a bu toil leat atharrachadh?

Tha sinn air tòrr bheachdan fhaighinn gu ruige seo – ach bhiodh e math barrachd fhaighinn – gu sònraichte bho luchd na Gàidhlig.

Lìon an suirbhidh againn agus leig fios na tha thu a’ smaoineachadh.

Alasdair

gaidhlig@parliament.scot